Салидат Қайырбекова ат. Ұлттық ғылыми денсаулық сақтауды дамыту орталығы 2024 жылдың қорытындысы бойынша Қазақстанның үздік медициналық ұйымдары мен ғылыми орталықтарының рейтингін ұсынды, бұл рейтинг бойынша А.Н. Сызғанов атындағы Ұлттық ғылыми хирургия орталығы да көшбасшылар қатарына енген. Аталмыш рейтинг бүкіл ел бойынша 772 медициналық ұйымды қамтып, көптеген факторларды, соның ішінде, клиникалық көрсеткіштерді, аккредиттеу нәтижелерін және негізделген шағымдар санын ескерген.
А.Н. Сызғанов ат. ҰҒХО – еліміздегі 80 жылдық тарихы бар жетекші көпбейінді медициналық мекеме, мұнда жыл сайын 8000-нан астам жоғары технологиялық және азинвазивтік операциялар жасалады. Ағзалар трансплантациясы секілді хирургиялық операциялардың жекелеген бағыттары бойынша Орталық – Қазақстан Республикасының аумағынан тыс елдерде де танымалдылыққа ие озық медициналық ұйым.
Сонымен қатар, А.Н. Сызғанов ат. ҰҒХО медициналық қызметтердің жоғары сапасын қамтамасыз етіп қана қоймай, ғылыммен және білім беру қызметімен де белсенді түрде айналысып, өз практикасына жаңа технологияларды енгізіп отырады. Бұл Орталықтың Қазақстанда да, ел аумағынан тыс жерлерде де медицина ғылымы мен практикасының алдыңғы шебіндегі өз позициясын сақтауға мүмкіндік береді.
