Денсаулық сақтау саласын дамыту және жоғары технологиялық медициналық қызметтерді енгізу шеңберінде «А.Н. Сызғанов ат. ҰҒХО» АҚ Басқарма төрағасы, профессор, ҚР ҰҒА академигі Б.Б. Баймаханов 2023 жылғы 6-7 қарашада Түркістан облысының Облыстық клиникалық ауруханасында бүйрек транслантациясы бойынша шеберлік сабағын ұйымдастырды.
Шеберлік сабағы аясында 3 бүйрек трансплантациясы жасалды. Терминалды созылмалы бүйрек жеткіліксіздігі диагнозы бойынша бір науқасқа бүйрек ретрансплантациясы орындалды. Оталардың барлығы сәтті өтті, науқастардың жай-күйі жақсарып келеді, алдағы уақытта оларға гемодиализ сеанстарын жүргізу қажет емес.
10 ай ішіндегі кезеңде осы мекемеде бұған дейін өткізілген шеберлік сабақтарының шеңберінде жалпы 8 бүйрек трансплантациясы жасалды.
Облыстық клиникалық аурухана дәрігерлері Б.Б. Баймаханов бастаған білікті мамандар тобы ұйымдастырған осы іс-шараның нәтижесінде бүйрек трансплантациясын жасаудың қыр-сырын меңгеріп, дағды-біліктіліктерін арттырып жатыр. Бүйрек трансплантациясы жөніндегі бұл ынтымақтастық Түркістан облысы халқына көрсетілетін трансплантологиялық көмек сапасын жетілдіре түспек.
Түркістан облысының облыстық клиникалық ауруханасында бүйрек трансплантациясы бойынша мастер-класс
