Сәлеметсіз бе! Мен Ердигаликова Айнұр Қоңырбайқызы, Сіздердің кәсіби біліктіліктеріңіздің жоғарылығын ескере отырып, қиын жағдайға душар болғандықтан үлкен өтінішпен Қызылорда облысы, Қазалы ауданынан хабарласып отырмын. Әкем Меңдібаев Қоңырбай Андақұлұлына (01.06.1963 ж.т.) осы жылдың 30 сәуірі күні жөнжеп жатқан газель автомобилі үстіне құлап, ішкі жарақат алуы себепті операция жасалған болатын. Ішкі жарақаттары: үш қабырғасы сынып бауырын жыртып жіберген, екі бүйрегі де қанталаған, талағы езіліп кеткен және іштей қан кету болғандықтан көп қан жоғалтқан. Операция барысында талағын алып тастап, бауырын тіккен, көп қан құйған. (құжаттың аты: 1выписка қазалы) Алайда, 3-4 сағат сайын температурасы көтеріліп, өте әлсіз сезіне бергендіктен Қызылордада МРТ брюшной полости жасаттық (құжаттың аты: МРТ), нәтижесінде бауыр мен көк еттің ортасында гематома бар екені анықталып Қызылорда облыстық медицина орталығында (ОМЦ) емделді: 1 апта хайпим деген антибиотик алды, денсаулығында және гематома көлемінде өзгеріс болмағандықтан операциямен ішінен сары су шығарды. (құжаттың аты: 2 выписка қызылорда) Бірақ, дәл қазіргі уақытта - операция жасалған жерден әлі сары су ағып тұр, - температурасы 24 сағатта 2 рет көтеріледі, - өте әлсіз, 10 минут отырса шаршап қалады, - тамаққа тәбеті жоқ, - денесін ауырсынады. Сондықтан, Сіздерден қосымша құжаттарды жолдай отырып, көмек қолын созуларыңызды сұраймын. Сіздерге апарып емдеткіміз келеді. Әкем ары-бері көп жүруге жарамайды, сондықтан нақты сілтеме бойынша барғымыз келеді. Құжаттарды қарап бізге қандай кеңес бере аласыздар? Қай уақытта барайық? Қандай құжаттар немесе анализдер ала барайық? Ақылы негізде жасалатын емдерге қанша қаражат қажет етіледі? Сіздерге алдын-ала алғыс білдіремін! Выпискалар мен МРТ көшірмесін info@nnch.kz электронды поштасына "Ердигаликова Айнұр Қызылордадан" деген тақырыппен жолдадым.
Ответ от администратора: Admin
Қайырлы күн, info@nnch.kz электрондық поштасына ауру тарихының көшірмелерін жіберуіңізге болады.